Aruba ta renoba contract cu Schiphol Group

Lo bay traha pa aumenta e capacidad di e aeropuerto cu awor aki tin un capacidad pa 2.1 miyon pasahero y e plan di Gobierno ta pa atende riba 3 miyon pasahero na aña 2020. Tambe lo traha pa expande e facilidadnan pa acomoda mas avion ya cu e demanda ta creciendo. Otro punto cu minister di Transporte Sr. Otmar Oduber a discuti cu autoridadnan di aeropuerto di Aruba y di Schiphol Group ta e aspecto di financiamento.
Despues di un reunion anteriormente na Hulanda, awo e mandatario ta reuni cu e autoridadnan local tocante e futuro di e aeropuerto di Aruba. Lo mester haci estudionan pa e proximo dies añanan tocante crecemento di e aeropuerto di Aruba.