Ayudo pa yena formulario di inkomstenbelasting 2012

Personal di Departamento di Impuesto lo atende clientenan na Oranjestad na oficina principal na Camacuri y na YMCA San Nicolas for di 17 pa 24 di augustus nonstop di 8 or di mainta te cu 4 or di atardi.
For di 26 te cu 31 di augustus lo yuda clientenan na e oficina principal na Camacuri y Club Don Bosco na Noord for di 8 or di mainta te cu 4 or di atardi.
E asistencia ta pa clientenan individual cu tin un entrada bruto di menos cu AWG. 75.000,- pa aña. Si ta trata di pareha casa, anto e entrada mester ta menos cu AWG 150.000,- pa aña.
Personanan cu tin un negoshi of cu ta traha riba nan mes, manera pelukero, doño di taxi/tourbus, contratista, snacktruck, oficina di administracion no ta bini na remarca pa e asistencia. Nan por haci uzo di un consehero fiscal.
Hunto cu e formulario di declaracion (aangiftebiljet) mester trece resumen di salario, resumen di entrada di huur di cas of apartamento, resumen di pension di behes, resumen di pago periodico na huerfano, carta di interes di banco of otro instituto financiero, comprobante di prima di seguro di bida, comprobante di pago di alimentacion na ex-casa, comprobante di inscripcion di scol di yiu cu ta studiando den exterior, resumen di gasto di scol manera contribucion di scol, material di estudio y/of gasto di pasashi pa un yiu cu ta studia den exterior.