Concurso fotografia pa exposicion “E lesado”

Ta pidi pa saca potret di un persona, sea ta mucha, hoben, adulto of hende grandi
cu ta lesa. E persona por ta lesando un buki, revista, corant, Ipad, Ereader na
cualkier sitio na Aruba. Bou di mata, banda di lama, den camber etc. E imagen
mester refleha e amor pa lesamento y cu e persona ta mustra totalmente captura
den locual e ta lesa y cu e ta disfruta di e momento.

Mester manda e potret den formato digital prome cu 28 di april na
beeparuba@gmail.com. E concurso ta habri pa tur hende y e persona cu ta riba e
potret mester a duna su permiso pa saca e potret. E potret mester ta original y
saca durante 2013, por haci cierto adaptacion, pero no mag uza Photoshop.
Cada persona por manda un solo potret y e potret no mag ta ofensivo of
provocativo.
E potretnan ganado lo forma parti di e exposicion “E lesado” cu lo tuma luga na juni
proximo na Biblioteca Nacional.