Conferencia Europe meets the Americas 6-8 di mei 2013 (gearchiveerd)

E meta di e conferencia ta pa haci Aruba un ‘gateway' entre Europa y Latino America y vice versa pa comercio. Segun prome ministro mr. Mike Eman Aruba tin diferente punto fuerte pa yuda den esaki manera e posicion geografico, un infrastructura di bon calidad manera un aeropuerto moderno, un haf bon ekipa y un red di telecomunicacion cu por sirbi clientenan rond mundo. Tambe Aruba ta conta cu hendenan bon studia cu ta domina diferente idioma y cu conoce e cultura regional. Un gobernacion stabiel y siguridad hudicial ta otro factornan cu ta haci cu Aruba por hunga un rol importante den e ‘gateway’.
ARINA, Aruba Investment Agency, e instancia oficial cu ta brinda servicio na tur empresario cu ta desea pa inverti na Aruba lo fungi como organisado di e conferencia.
Ex embahadora Hulandes na Colombia Sra. Marion Kappeyne van de Copello  lo ta un figura clave pa yuda promove e conferencia.
E companianan Deloitte, PWC y Ernst & Young lo participa den organisacion di e conferencia riba tereno di coordinacion, duna conseho, mercadeo, sponsorship pa garantisa cu e inversionistanan potencial tanto na Europa como den Latino America haya tur informacion di e posibilidadnan cu Aruba ta ofrece nan pa haci negoshi.
Un gran cantidad di empresarionan local a asisti na e presentacion di e vision di Aruba pa haci Aruba un “gateway” entre Europa y America Latino.