Conferencia Small Business Week 12 – 16 di november (gearchiveerd)

E meta di e conferencia ta pa duna informacion valioso na tur persona cu tin un negoshi chikito of cu ta pensa di lanta un negoshi. Topiconan cu lo atende durante e siman lo ta mercadeo, con pa traha un business plan, asuntonan di belasting y di banco, financiamento, con pa entrega permiso, uzo di medionan digital etc.
E interes pa e prome conferencia na 2011, a haci cu ministro di Asuntonan Economico, Asuntonan Social y Cultura, Michelle Winklaar a dicidi pa un bes mas invita oradornan di exterior y local pa comparti nan experencia cu tur interesado.
Lo tin tambe diferente workshop pa e participantenan p’asina nan haya mas instrumento pa traha cune den nan negoshi.