Conferencia tocante futuro di refineria (gearchiveerd)

Na e conferencia ehecutivonan halto di Ecopetrol di Colombia, Petrobas di Brasil y di Pdvsa di Venezuela lo delibera hunto cu autoridadnan Arubano encuanto e posibilidadnan pa e refineria sigui opera na Aruba.

Prome ministro Mike Eman a papia recientemente cu autoridadnan Brasilero tocante participacion di Petrobas den e refineria. Petrobas den pasado caba a mustra interes sea pa tuma e refineria over of un eventual joint venture.
Tambe na Colombia e mandatario Arubano y su delegacion a delibera cu Presidente Juan Manuel Santos y ministro di Energia over di participacion di Ecopetrol pa yuda e refineria na Aruba y garantisa e cuponan di trabou.
Colombia ta un pais productor di crudo y gas y Gobierno di Aruba ta mira un cooperacion cu e pais aki como un alternativa pa mantene e refineria habri.
Gobierno di Aruba ta spera cu pa prome di maart lo tin un bista cla tocante futuro di e refineria na Aruba.