Consehonan pa temporada di campamento (gearchiveerd)

Temporada di campamento ta acercando y pueblo mester corda pa pidi permiso pa lanta un campamento sea na lama of otro parti di Aruba y mester cumpli cu e reglanan stipula. Ademas di esey cada grupo cu ta campa mester establece reglanan y medidanan pa garantisa cu e temporada ta bay cu siguridad y den bon ambiente. Por ultimo, corda cu mester haci areglo pa siguridad di bo cas tambe!
Pero… esaki tambe ta trece cierto preocupacion relaciona cu siguridad. Ningun hende kier pa e temporada termina cu dolor di cabez of tragedia. P’esey Cuerpo Policial ta duna algun sugerencia pa haci e temporada uno di goso, relaha y pasa bon na un manera sano.
Prome cu tur cos, wak pa bo ta cubri legalmente. Esaki kier men cu si bo ta bay campa na un luga publico, sea cu ta na beach, den mondi of den Parke Arikok, bo mester ta cumpli cu e rekisitonan legal. Bo mester tin un permiso legal si bo ta bay pasa anochi na un lugar asina y tambe pa bo pone un tent of algo similar banda di caminda publico. Tur esnan cu no ta cumpli cu e rekisitonan legal aki por haya un boet y autoridad por pone bo cera e campamento. Si bo tin permiso, wak bo cumpli cu tur e exigencianan legal cu ta skirbi den dje sino autoridad lo trata bo como sifuera cu bo no tin permiso y lo bo por perd'e tambe!
Corda, no laga bo cas sin proteccion. Bay cas regularmente y palabra cu famia of bisiña pa nan pasa bo cas tur dia of tira bista riba dje. Cende luz y cera cortina anochi y paga luz y habri cortina den dia. Pidi bo bisiña pa recoge e corant cu nan ta tira p’abo tur dia. Si ta posible instala un sistema di alarma na bo cas di un compania di siguridad cu monitor/controla esaki of cu ta automaticamente yam’abo na bo celular. No laga cosnan di balor na cas si no ta bay tin hende na cas pa un par di dia. Cualkier cos pidi un famia pa warda bo cosnan balioso un par di dia na su cas.
Pa mas informacion, tuma contacto cu departamento di Prevencion y Informacion di Cuerpo Policial di Aruba telefoon 527-2900 ext. 975 of 976