Construccion di parke solar na Aeropuerto (gearchiveerd)

E parke solar ta consisti di instalacion di panelnan solar cu lo por genera 3.3 megawatt di coriente cu lo por suministra na 1500 cas durante un aña.
Den cuadro di e Green Conference cu ta tumando luga na Aruba, a scoge pa firma e contract y devela e borchi na Aeropuerto. E compania Hulandes Oskomera Power Solutions lo bay construi e parke y na final e compania di electricidad ELMAR lo bay maneha e parke.
Gerencia di Aeropuerto ta mira e parke como un promocion ya cu asina cu turistanan yega Aruba nan ta mira con Aruba ta traha riba tereno di medio ambiente. Algo otro ta cu e clientenan di Aeropuerto lo por parkeer nan auto den sombra cu ta hopi agradabel. E parke solar ta e prome den Caribe y ta mustra cu Aruba ta hopi adelanta den su strategia pa produci energia alternativo.