Construccion di solar park na Aeropuerto

E compania di electricidad ELMAR ta construi e parke solar di mas grandi di Caribe den e parking lot di Aeropuerto. E parke ta consisti di 14 mil panel y cada uno tin un capacidad di 250.
E proyecto lo profila Aruba como un pais cu ta traha conscientemente den direccion di energia alternativo y pa depende menos di productonan fossiel pa produci energia.
Cu e molinanan di biento na Vader Piet y e parke solar na Aeropuerto, Aruba ta riba caminda pa bira un pais sostenibel cu energia alternativo produciendo como 50% di energia alternativo.
Minister encarga cu asuntonan di energia Ing. Mike de Meza ta opina cu na nan yegada na Aruba e turistanan ta haya un bon impresion con Aruba ta trahando riba energia alternativo y cu Aruba ta poniendo e fundeshi pa bay den un direccion di un futuro mas sostenibel.