Control riba prijsnan den supermercado (gearchiveerd)

Particularmente ta controla e prijsnan maximo stipula pa Gobierno pa e productonan basico regula. E funcionarionan ta bishita diferente supermercado y tienda rond Aruba y ta haci un control profundo.
Meta di e control ta pa percura cu e negoshinan ta mantene nan mes na e maneho di prijs actual y cu no ta bende e productonan basico regula na un prijs mas halto cu esun stipula pa Gobierno, cual lo perhudica e consumidor. Tambe ta controla si e productonan tin un indicacion di prijs claramente visibel y lesabel.
Ora constata un infraccion den un tienda, ta atende esaki mesora y ta duna instruccion pa coregi e situacion inmediatamente. Ademas por duna un advertencia verbal of por escrito.
E controlnan haci ultimamente den e supermercadonan grandi a duna como resultado cu, aunke nan tin un surtido grandi di producto, e supermercadonan ta mantene nan mes na e maneho di prijs y cu e infraccionnan tabata minimal.
E tipo di controlnan asina ta tuma luga diariamente den tur supermercado y tienda na Aruba.