Crecemento turismo den prome kwartaal cu 6.6%

Luna di maart a conoce un aumento cu 11.4% compara cu maart 2012. Minister
encarga cu turismo Otmar Oduber a expresa cu e crecemento a surpasa tur
expectativa y ta atribui e exito na e cooperacion estrecho cu ta existi entre e Aruba
Tourism Authority, Aruba Airport Authority y AHATA y tur otro partner cu ta mustra nan
lealtad pa yuda Aruba progresa.E mandatario ta consciente cu luna di april, mei y
juni ta e lunanan cu un reto mas grandi, pero e mandatario ta convenci cu pa
medio di e strategianan cu lo wordo uza den mercadeo y e actividadnan cu lo tin,
lo por logra un crecemento durante e periodo aki tambe.
E mercado Norte Americano
ta keda esun di mas grandi cu 60% di e cantidad di turistanan, mientras cu esun di
Canada tambe ta sigui crece.Durante e conferencia di Annual Tourism Conference
Aruba, minister Oduber a repasa e proyectonan cu Gobierno ta realisando pa
mehora e calidad di e producto turistico, manera Plaza Turismo, Linear Park, Caya
Principal, facilidadnan na tur beach, actividadnan cultural na San Nicolas, un Guia
di Monumento pa San Nicolas y Oranjestad pa e turista por bishita sitionan historico,
cultural y monumentonan.
Fuera di e plannan di Gobierno, sector particular, esta e hotelnan tambe ta haciendo
inversionnan grandi pa remodela nan hotel y na november proximo tin e apertura
di e hotel di Ritz Carlton cu tambe lo ta un empuhe pe mercado di Norte
America y Canada.