Curso di upgrading pa lidernan di Traimerdia (gearchiveerd)

Durante un aña e lidernan a sigui un curso y realisa proyectonan banda di nan trabou di tur dia. Diferente tanchi tin hopi aña di experiencia na Traimerdia, pero tabata falta un formacion pa bini na remarca como un lider di grupo. E formacion aki ta necesario awendia pa por funciona optimalmente den grupo di mucha of hoben.
Durante e curso a pone atencion na diferente aspecto manera guia activo di mucha y stimula e mucha den su desaroyo pa medio di actividad, wega y guia di huiswerk. Tambe a traha na un actitud profesional di e tanchinan y stimula nan den e proceso di “Lifelong Learning” pa continuamente nan desaroya nan conocemento y habilidad. E cursistanan a sigui diesseis diferente modulo cu ta basa ariba e estudio di cuido na EPI y nan mester a haci un proyecto grandi na shete diferente centro pa finalisa nan curso. E tanchinan tabata entusiasma cu e oportunidad cu nan a haya pa engrandece nan conocemento y ta dispuesto pa sigui atende mas curso si ta necesario. Mayornan y e muchanan tambe por a experencia un mehoracion den e calidad di guia cu Traimerdia ta duna.