Diferente proyecto di renobacion pa embeyece Oranjestad

E edificio monumental unda e actual sala di casamento ta situa, conoci como Stadhuis, lo conoce un plan total di mantencion y algun renobacion tanto paden como pafo. Durante e periodo di renobacion cu lo dura mas o menos cinco luna, tur ceremonia di casamento lo tuma luga na Fort Zoutman.
E Cas di Gobernador den Maria Christinastraat tambe lo wordo renoba.
Otro edificionan cu actualmente ta conociendo un renobacion ta ex-havenkantoor den Arnold Schuttestraat y e edificio di mas cu shen aña bieu den Zoutmanstraat 1.
E plenchi dilanti di oficina di Corte di Husiticia, conoci como Willem de Zwijgerplein, ta e ultimo proyecto den cuadro di renobacion di edificio di Corte. E plenchi nobo lo ta conecta cu e edificio di Corte y ariba dje lo bini un obra di Vrouwe Justitia traha pa e artista Ciro Abath. E obelisk actual lo keda forma parti di e plenchi nobo.