Entrega formulario registro di personal pa 2012 -2013

Den e Ley di labor, articulo 30, inciso dos, ta regla e modelo y e obligacion di e doño di trabou pa entrega e registro di personal na Departamento di Labor y Investigacion (DAO). E ley aki a keda proclama entrante 25 di juli 2013 cu forsa retroactivo te cu 1 di april 2013.
E registro di personal ta consisti di tres parti: e personal actual manera registra na december 2012 (ta cuadra cu e lista anterior di personal), e necesidad pa personal pa 2013 ( ta cuadra cu e Manpowerplanning) y e necesidad di personal pa cada proyecto specifico (ta cuadra cu e parti tocante proyectonan den e Manpowerplanning). Tur documento necesario ta obtenibel aki.

• Aanbiedingsbrief f1 PR 2012-2013 alle bedrijven
• Personeelsregister formulier DAO
• Toelichting personeelsregister 2012-2013

Pa medio di e informacion den e registro di personal (PR), DAO por haya un bista di cantidad di e personal y di e negoshinan activo riba mercado laboral. E formulario pa registro di personal “Personeelsregister” ta reemplasa e “Personeelsopgave formulier” y formulario di Manpowerplanning cu tabata wordo uza anteriormente.
E registro di personal mester wordo entrega prome cu 31 di october 2013 na oficina di DAO na L.G. Smithboulevard 134.
Si tin mas pregunta, por yama 582-7720 y puntra pa e seccion di Arbeidsmarktonderzoek. Orario di DAO ta di dialuna pa diabierna di 8 or pa 12 or y di 1 or pa 4 or di atardi.