Gobierno a firma pa construccion di Carnival Village

E prome fase lo mester keda cla dia 16 di januari 2014 pa sirbi como centro pa e Festival di Caiso y Soca Monarch 2014. E centro lo ta na disposicion di henter comunidad durante henter aña. Despues di carnaval lo construi e segundo fase cu lo consisti di facilidadnan pa core bicicleta, skating y cana, traha kiosco.
E compania Arubaanse Wegenbouw a keda encarga cu trabounan di construccion. E financiamento ta bini for di Fondo Desaroyo Aruba.
Ministro di Financia ing. Mike de Meza a declara cu e Carnival Village lo yuda revitalisa e area di San Nicolas despues cu ya caba a renoba e edificio di Watertoren pa converti esaki den un museo industrial. Tambe lo construi un museo pa carnaval. Ya caba ta den proceso renobacion di diferente caya na San Nicolas p’asina haci e ciudad aki atractivo pa bishitantenan tambe.