Gobierno preparando pa diferente conferencia

Dia 31 di maart Prome Ministro Mike Eman lo ta orado na e conferencia di TEDxBinnenhof na Hulanda. Na e plataforma aki e participantenan di Hulanda y Reino ta trece ideanan innovativo cu por contribui na soluciona problemanan cu ta afecta mundo henter manera cambionan climatologico, mobilidad, salud, siguridad y energia alternativa. Diferente pais lo ta representa na e conferencia na Den Haag.
Tambe ta preparando pa e “Aruba Green Conference” y “Europe meets the Amercicas”. Tin hopi interes for di paisnan den Europa, Caribe y Sur America pa e proyectonan di Aruba ariba tereno di innovacion y desaroyo sostenibel y inversionistanan lo por mira e oportunidad pa inverti na Aruba. E conferencia lo tuma luga na luna di october proximo.
Gobierno di Aruba kier promove tambe e industria di conocemento como e di tres pilar economico di e pais. Companianan local y internacional a mustra interes pa forma parti di e desaroyo aki. Segun ministro encarga cu Asuntonan Economico y Medio Ambiente Ing. Mike de Meza, Aruba kier crea mas cupo di trabou pa e yiunan di tera cu ta studia na Merca y Europa pa nan forma parti di e industria di conocemento. Lo crea trabou na nivel halto y lo diversifica e economia Arubano.