Green Conference 2013 “Our road to 2020”

E conferencia ta tuma luga en cooperacion cu Caribbean Renewable Energy Forum (CREF), un conferencia prestigioso riba tereno di energia sostenibel y cu ta conta cu participacion di inversionista, minister di utilidad y companianan cu ta enfoca riba energia sostenibel den region di Caribe.
Gobierno di Aruba kier haci uzo maximo di e recursonan natural manera biento, solo y lama pa genera energia. E recursonan aki lo mester bira fuente pa genera energia principal na 2020 y reemplasa e uzo di crudo.
Green Conference 2013 lo conta cu oradonan local y internacional kendenan lo duna nan punto di bista tocante e diferente aspectonan pa maneho di energia sostenibel. Por menciona Peter Boyd, COO di Carbon War Room; Maria van der Hoeven, Executive Director International Energy Agency; Embahador Albert R. Ramdin, Assistant Secretary General Organization of American States (OAS), Professor Jooho Whang, Presidente di Korea Institute of Energy Research (KIER), TNO Caribbean y mucho mas.
Ta considera Aruba como un di e paisnan mas ambicioso y determina pa loke ta e transicion di uzo di crudo pa energia sostenibel y Aruba ta wordo mira como un ehempel pa e region.