Instancianan di emergencia ta vigila campamento (gearchiveerd)

E instancia cu ta haya mas hopi pashent pa atende ta e departamento di
Emergencia na hospital y hopi biaha ta trata di casonan cu no ta urgente. E tempo
di espera ta bira mas largo ya cu pashentnan cu si ta den un situacion di
emergencia ta exigi mas atencion. Ta bon pa tuma nota cu servicio di dokter di
cas banda di Policlinica di Urologia ta habri riba dianan di fiesta for di 9 or di
mainta te cu 1 or di merdia y anochi di 6 or pa 10 or pa casonan cu no ta di
emergencia. Mester presenta cu carchi di AZV of cu placa cash pa por haya
servicio.
Pa pashentnan pariba di brug ta recomenda pa haci uzo di e servicio na Imsan.
Den bisindario di e sitionan di campamento boluntarionan di Cruz Cora lo ta
presente pa duna cualkie asistencia chikito den oranan di anochi y riba dianan
di fiesta.
Ta pidi atencion special pa cuido di muchanan ora nan ta den awa y uza
proteccion contra solo, tene cuenta cu pashentnan di epilepsia, dialisis,
diabetico. Pa e publico en general ta conta pa tene cuenta cu consumo di alcohol;
departamento di Emergencia durante añanan tin experiencia cu e sa atende un
gran cantidad di caso di abuso di alcohol y accidente causa pa uzo di alcohol.