Lansamento di sistema nacional di alarma (gearchiveerd)

Por registra awor riba www.aruba-alerts.net pa haya un alerta den caso di calamidad (menasa di) of situacion di emergencia. Den e alerta ta informa e usuario di e calamidad of emergencia y e medidanan cu mester tuma pa minimalisa e daño y peliger y con pa actua den e situacion asina. E sistema di alarma nacional ta un programa piloto den cooperacion cu St. Maarten, Anguilla y Monserat. E costo ta di Afl. 100.000,00.

Usuarionan registra ta haya alarma na diferente forma. Pa alarma via celular, Oficina pa Prevencion di Desaster ta den negociacion cu Setar y Digicel. Pa alerta via radio mester regla algun asunto cu Departamento di Telecomunicacion.

Lansamento Sistema Nacional di AlarmaE sistema di alarma (National Early Warning System) ta parti di un programa mas grandi pa islanan chikito di Caribe, e asina yama Risk Reductive Initiative (R31) proyecto financia door di Union Europeo. E sistema aki ta parti di un programa di Nacionnan Uni cu tin como tarea yuda paisnan maneha calamidad, pa disminui riesgo y pa mehora nan preparacion y reaccion ora di situacionnan di emergencia.