Ley pa Comision di Consumido

Actualmente e oficina di Dienst Huur- en Consumentenzaken ta atende tur keho di un cliente y hopi biaha e caminda pa e consumido haya su derecho ta largo y hasta tin cu bay te Corte.
Un Comision pa Consumido ta hancra den ley y ta duna hopi beneficio na e consumido pasobra e ta traha lihe, barata y simpel pa yuda resolve un disputa entre e consumido y e negoshi. Tur procedura ta regla pa ley y tur decision cu e comision tuma mester wordo respeta pa ambos partido. Un comision di consumido ta duna e consumido un sosten extra ora cu esaki ta busca su derecho. E comision lo traha independiente, transparente y eficiente segun e Codigo Civil di Aruba.
Dienst Huur- en Consumentenzaken lo duna e sostene administrativo na e Comision di Consumido pa esaki por haci su trabounan. Mientras tanto e oficina lo sigui atende y registra tur keho di consumido cu informacion general y duna conseho pa intermediacion.