Lo bay engrandece turismo for di Latino America (gearchiveerd)

E maneho di Gobierno ta pa diversifica e industria di turismo y lo pone un suma adicional pa promove Aruba cerca e turista Latino Americano.
Ehecutivonan den turismo ta trahando pa haya vuelonan directo for di Brazil pa Aruba y engrandece e mercado di incentivo. Alabes ta explorando e posibilidad pa haya mas cupo riba avionnan for di Argentina, sea via Bogota of Caracas. E turista Argentino ta keda Aruba pa un promedio di 8.8 anochi, cual ta mas cu e turista Colombiano y Mericano. Tambe e Argentino ta gasta un averahe di $6000 pa persona den un package pa dos siman.
Avianca di Colombia lo bay pone 700 stoel adicional pa luna, esta 150 extra pa siman. Esaki ta posibel door di uza un avion mas grandi pa e cinco vuelonan semanalmente.