Medida den cuadro di orden publico pa dia di eleccion

Ta prohibi pa bende of entrega bibida alcoholico na publico for di diahuebs 26 di september for di 6 or di atardi te cu diasabra 28 di september 6 or di mainta.
E tiendanan of supermercadonan unda ta bende productonan di alcohol, mag keda habri pero cu e condicion cu no mag di bende of entrega e productonan menciona na publico.
Hotel, apartamento of restaurant tambe por keda habri pero por duna alcohol solamente na nan huespednan cu no ta hende local.
Refresqueria, snackbar etc tambe por keda habri, pero no mag di bende alcohol.
Otro medida ta cu riba dia di eleccion no mag di uza ekipo di zonido dentro di un distancia di cincuenta metro di un stembureau. Tampoco no mag di haci anuncio politico of pone musica den bisindario di un stembureau.
Cuerpo Policial lo controla debidamente si tur hende ta cumpli cu e medidanan menciona.