Monumento dedica na piscadonan perdi riba lama

Aruba un isla rondona pa lama conoce hopi piscado cu ta bay riba lama pa busca cuminda of pa pasatempo, pero lastimamente tin varios cu no a regresa. Nan a perde riba lama y nan famia nunca mas a tende algo di nan.
Minister encarga cu Agricultura, Cria y Pesca, Otmar Oduber a tuma e iniciativa pa dedica un monumento na e piscadonan perdi riba lama. A logra compila nomber di 42 piscado cu ta aparece riba e monumento traha pa e artistanan Gilbert Senchi y Fernando Vermeer. Pa e famianan e monumento lo ta un sitio unda nan por reuni pa recorda nan sernan keri cu no tey mas.
Na e ocasion special aki minister Oduber a entrega 125 pakete cu material di siguridad pa tur piscado p’asina nan ta bon prepara ora nan ta sali bay pisca y por keda den contacto cu nan famia y instancianan cu por duna asistencia.