Museonan di Reino, Caribe y Sur America ta reuni na Aruba (gearchiveerd)

E meta di e exposicion lo ta pa presentea e rikeza di e herencia Indian di e islanan di Caribe Hulandes cual ainda ta desconoci pa hopi hende.
Pa e exposicion aki a lanta un fundacion special, Fundacion 1403 den cual ta participa Mondriaan Fonds, Ministerio di Cultura, Renaissance Hotel, Meta Corp. y Banco Central di Aruba.
Sra. Maria Piacente di Lord Cultural Resources lo guia e reunion pa yuda esnan envolvi prepara un plan e pa proyecto grandi aki. E expertonan riba tereno di museo y otro institucionnan cultural lo intercambia idea tocante nan coleccion y conocemento. Lord Cultural Resources ta un compania cu experiencia pa diseña y organisa exposicion y mester menciona cu e exposicion permanente di Museo Arqueologico Aruba ta un diseño di e compania aki. E idea ta pa pone enfasis den crea ‘capital cultural’ door di integra idea di profesionalnan cu esnan di comunidad y di otro stakeholdernan.