Parlamento ta ricibi cuentanan anual di Pais Aruba (gearchiveerd)

Ademas lo publica e rapportnan di Contraloria General (Algemene Rekenkamer) cu ta trata e cuentanan anual 1986 te cu 2011.
Cu entregamento di e cuentanan anual na Parlamento, gobierno ta responsablisa su mes na representantenan di pueblo. E cuenta anual lo mester refleha e actonan di gobernacion di ministernan di e aña cu a pasa, como tambe un calculacion di entrada y gastonan. Ademas lo mester splica pakico a scoge pa esaki, kico tabata e meta nan dilanti como tambe e resultado final di e actonan.
Esaki lo ta prome biaha cu Parlamento di Aruba lo trata un cuenta anual di pais Aruba. E cuenta anual ta significa e final di e proceso presupuestario. Den e proceso presupuestario gobierno ta propone su gastonan pa e siguiente aña. E proposicionnan aki mester tin aprobacion di Parlamento kendenan ta e representantenan di pueblo. Sin aprobacion, e ministernan no por haci e gastonan cu nan ta propone. Parlamento ta bay di acuerdo pa haci gastonan te na un suma maximo. Esey kiermen cu por haci menos gasto cu ta presupuesta, pero gastonan cu ta surpasa e suma maximo por haci unicamente despues di aprobacion di Parlamento. Na momento di tratamento parlamentario di e cuenta anual Parlamento ta controla si gobierno a ehecuta e presupuesto aproba na un manera corecto.

Prome cu entrega e cuenta anual na Parlamento, Contraloria General ta haci su investigacion. E rapport di Contraloria General, cu ta inclui e reaccion di e minister di Finansas riba e rapport, ta añadi na e documentonan cu ta entrega na Parlamento. Di e manera aki Contraloria General ta duna sosten na Parlamento pa por eherce su tarea di controla gobierno y tambe den e tratamento parlamentario di e cuenta anual.
E tratamento den Parlamento di e cuentanan anual entrega na Parlamento lo tuma luga mas despues. Lo anuncia e fecha aki despues.