Personal di Ambulance a sigui curso specialisa (gearchiveerd)

Nan ta profesionalnan cu ta brinda servicio specialisa for di e momento cu busca un patient sea na cas of na sitio di incidente.
Durante dos aña e funcionarionan di Servicio di Ambulance a atende e curso, fuera di nan trabou di tur dia. E curso tabata den man di specialistanan Hulandes.
Minister encarga cu Salud Publico dr. Richard Visser a declara: “ Awo nos tin un team di Ambulance cu por haci intervencionnan na un nivel halto y prepara e patient pa ora e yega hospital. E tratamento medico di e patient ta cuminsa den ambulance caba”.
Segun e director medico di Instituto Medico San Nicolas (IMSAN) dr. Joel Ranjerc, locual e personanan a siña no ta algo pa henter bida, ya cu nan lo mester sigui actualisa nan conocemento den e mundo di cuido medico. Constantemente tin cambionan y un enfermero tambe mester sigui e desaroyonan.