Por cuminsa paga impuesto vehiculo di motor 2013 (gearchiveerd)

E cliente por haci pago na oficina principal di Servicio di Impuesto na Camacuri of
na un di e oficinanan di gobierno na San Nicolas, Santa Cruz, Savaneta of Paradera.
Tambe por haci e pago via banco.
Ora di pago mester presenta cu e prueba(nan) di pago di impuesto pa 2012, prueba
di registro di e vehiculo di Servicio di Impuesto y den caso di autobus, taxi etc mester
presenta cu e permiso valido pa plachi B, TX, V, O y T.
Como cu Servicio di Impuesto lo controla si e permiso ta valido, e cliente por haci e
pago solamente na e oficinanan di Servicio di Impuesto. Si e permiso no ta valido,
no por paga impuesto y e cliente mester regla su permiso na Departamento di
Transporte Publico.
Pa haci pago online, via internet, mester tene cuenta cu no por uza e opcion di “bill
payment” pero si por haci transferencia (funds transfer) pa cuenta di Servicio di
Impuesto. No solamente mester paga e impuesto, pero tambe e suma di 20 florin
pa e plachinan.
Por busca e plachinan na oficina di Servicio di Impuesto na Camacuri y mester
trece e prueba di pago of e print out di pago via internet y prueba original di seguro
valido, esta polisa. E seguro mester ta valido entrante 3 di januari 2013.