Por haci areglo pa extende pago di impuesto (gearchiveerd)

Ta trata di impuesto y erfpacht te cu 31 di december 2011 of prome y e personanan individual por haya un periodo di un of dos aña pa paga e impuesto atrasa. Un periodo di dos pa cuatro aña ta conta specialmente pa esnan cu a enfrenta gastonan halto inespera manera di entiero, malesa, esnan cu a perde trabou recientemente, pensionadonan, of cu ta den un situacion financiero preta y cu ta core riesgo di perde nan cas.
E situacion economico reinante ta haci cu hopi hende no por cumpli cu pago di Impuesto y institutonan financiero no ta presta placa pa paga impuesto.
Empresanan tambe por haci un areglo pa paga nan debe durante un periodo maximo di cinco aña. E periodo aki sinembargo ta conta pa un debe di impuesto riba un miyon florin.