Por paga impuesto 2014 pa vehiculo di motor

E plachinan sinembargo no ta cla ainda, pero lo avisa ki dia por cuminsa busca nan na oficina di Impuesto.
Pa paga e impuesto, e cliente mester trece e prueba di registro di e vehiculo di Departamento di Impuesto y recibo(nan) di pago pa aña 2013. Si no a paga e impuesto di 2013 completo, mester paga esaki prome.
Pa e vehiculonan pa negoshi, mester trece e permiso valido pa plachi B, TX, V, O y T. E ultimo grupo aki por paga solamente na Oficina di Impuesto na Camacuri.
Por paga na oficina di Impuesto na Camacuri of na oficinanan di Gobierno den districto y por paga cash of cu carchi di banco (maestro). Tambe por haci pago na banco of via internet. Pa e ultimo dos opcionnan aki, tin otro condicionnan.
Ora di busca e plachinan, e cliente mester presenta cu e prueba di pago y polisa di seguro cu ta mustra un seguro valido entrante 3 di januari 2014.