Rey Willem-Alexander y Reina Máxima na Aruba

Despues di e ceremonia oficial cu inspeccion di guardia di honor, e pareha real a reuni cu Gobernador di Aruba, Freddy Refunjol. Tambe a bishita Parlamento di Aruba y a reuni cu miembronan di Conseho di ministro.
E pareha real lo reuni cu hobennan di Aruba y artistanan local lo presenta un show cultural na Bushiribana.
Muchanan di scolnan basico lo participa na actividadnan deportivo y recreativo den Compleho Deportivo Guillermo Trinidad y Willem-Alexander y Reina Máxima lo ta presente pa apoya nan.