Importacion di Acetona

  • Descripcion

    Acetona ta cay bou di Kimico Esencial (Essentiële Chemicaliën) y ta rekiri un permiso special pa importacion. Kimico Esencial ta kimico cu por uza pa traha droga ilegal. No tin un prohibicion total ariba importacion, pero e ta wordo controla. Kimico Esencial tambe tin su uzo legal, por ehempel ta uza Acetona como substancia pa mescla y verdun ora di traha verf of ora di traha cu “fiberglas”. Inspector di Remedi ta duna un permiso na nomber di Ministro di Salud Publico den forma di un decreto ministerial. E ta un permiso pa cada pedido.  

  • Unda pa pidi'e? / Mas informacion na

    Ta entrega un peticion (ariba un formulario bashi di Awg. 4,-) pa importacion di Acetona na Inspeccion disalud Publico. Ta fax e peticion pa oficina di Procurador General cu ta manda e peticion aki pa Polis pa mas investigacion. Polis tin e tarea pa investiga e uzo di e Acetona. Na final di e investigacion, e resultado ta bay bek pa Procrador General. Si e resultado ta uno positivo, Procurador General ta traha un carta di dispensacion y ta manda e carta aki pa Inspeccion di Remedi, seccion Narcotico pa finalisacion di e peticion. Inspeccion di Remedi ta traha un decreto ministerial.

    Mas informacion cerca: Inspeccion di Salud Publico - Departamento di Medicina.

  • Kico mi tin di hiba cu mi?

    Un peticion ariba un formulario bashi di Awg. 4,-.

  • Cuanto e ta costa?

    Un formulario bashi di Awg. 4,-
    Ora di importacion, e gastonan di Aduana.

  • Cuanto tempo ta dura pa hay'e?

    Mas o menos 3 luna.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options