Mantene un patent

  • Descripcion

    Pa mantene un patent mester paga anualmente gasto di mantencion. Un gasto anual ta un contribucion anual pa e derecho di patent. E doño di patent ta paga cada aña un suma pa mantene su derecho di patent.

  • Unda pa pidi'e? / Mas informacion na

  • Kico mi tin di hiba cu mi?

    Peticion cu pago di e suma concerni no mas laat cu e fecha cu e ta caduca of denter di 6 luna despues di e dia cu e ta caduca (cu boet).

  • Kico ta e condicionnan?

    E doño di patent ta paga cada aña un suma pa mantene su derecho di patent. E patent ta vigente tanten ta paga e gasto di mantencion. No ta posibel pa activa despues. No ta posibel pa prolonga despues di e termino di binti aña.Otro nomber pa tarifa anual ta tarifa di mantencion. Den caso di un patent Arubano bo ta cuminsa paga e tarifa anual desde e di tres aña despues di entrega e peticion pa patent. Por paga e tarifa anual no mas laat cu seis luna despues di e fecha cu e caduca. Bo ta paga un boet si ademas di e suma anual. Si bo paga prome cu e fecha cu el a caduca, bo no mester paga boet. E boet ta encera 25 porciento di e suma cu ta debe.Si bo no paga e suma anual, e ora ey e derecho di patent ta caduca. Solamente door di un excepcion grandi por reinstitui e derecho di patent. Den e caso aki bo mester manda dentro di un aña un peticion por escrito pa recupera bo patent (den e estado original).Si bo laga bo invento caduca, e ora ey tur hende por uza bo invento libremente.

  • Cuanto e ta costa?

    Aki bou ta sigui un lista di e pagonan anual (takse cu mester paga pa mantene un patent (wak tabel 1).

      Tabel I Tabel II
      1e pago Awg.      525,- Awg.   131,25
      2e pago Awg.      600,- Awg.   150,-
      3e pago Awg.      675,- Awg.   168,75
      4e pago Awg.      750,- Awg.   187,50
      5e pago Awg.      825,- Awg.   206,25
      6e pago Awg.      900,- Awg.   225,-
      7e pago Awg.      975,- Awg.   243,75
      8e pago Awg.   1.050,- Awg.   262,50
      9e pago Awg.   1.125,- Awg.   281,25
    10e pago Awg.   1.200,- Awg.   300,-
    11e pago Awg.   1.300,- Awg.   325,-
    12e pago Awg.   1.300,- Awg.   325,-
    13e pago Awg.   1.400,- Awg.   350,-
    14e pago Awg.   1.500,- Awg.   375,-
    15e pago Awg.   1.600,- Awg.   400,-
    16e pago Awg.   1.700,- Awg.   425,-
    17e pago Awg.   1.800,- Awg.   450,-
    18e pago Awg.   1.800,- Awg.   450,-
    19e pago Awg.   2.000,- Awg.   500,-
    20e pago Awg.   2.000,- Awg.   500,-

    Nota. Mester paga e sumanan di mantencion desde e di 3 aña despues di entrega e peticion pa patent. E ultimo dia cu por paga e suma anual ta e prome dia di e luna cu ta sigui esun den cua a entrega e peticion pa patent y cu a otorga e patent (fecha cu e ta caduca). Si paga despues di e ultimo fecha di pago, mester paga boet (e boet ta 25% di e suma cu mester paga - wak tabel II). Si no paga e suma anual cu boet dentro di seis luna despues di e fecha cu e ta caduca, e patent ta caduca den forma irevocabel.    

  • Cuanto tempo ta dura pa hay'e?

     No tin cu warda.  

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options