Paseo/Tour di Museo Historico Arubano

  • Descripcion

    Si bo kier mira e exposicion historico di cerca di aña 2500 BC te cu yegada di e refineria di Lago, e ora ey un bishita na e Museo Historico di Aruba ta na su luga. E museo ta ofrece un paseo den e exposicion historico permanente pa studiante, adulto, turista, miembro di club di servicio, cas di anciano y otro gruponan den nos comunidad. Banda di esey e museo ta tene exposicion di duracion cortico riba cierto tema pa profundisa y amplia e exposicion permanente den e edificio den Fort Zoutman of den edificio di e museo mes. 

  • Unda pa pidi'e? / Mas informacion na

    Museo Historico Arubano – Por pasa na e balie na Willem III toren di 8.30 am pa 3.30 pm.

  • Cuanto e ta costa?

    Entrada turista adulto US$ 6,30
    Entrada turista mucha US$ 3,15
    Entrada local adulto Awg. 6,30
    Entrada local mucha Awg. 3,15

     

  • Cuanto tempo ta dura pa hay'e?

    Mester warda 15 minuut pa e tour cuminsa. Ta parti grupo grandi den grupo mas chikito. Un maximo di 15 persona por cuminsa cu e tour na mesun momento.  

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options