Peticion pa cambia e indole di un negoshi cu ya ta estableci akinan

  • Descripcion

    Segun e Ordenansa pa permiso pa lanta negoshi (Vestigingsverordening Bedrijven) no ta permiti pa cambia e indole di un negoshi, sin permiso di minister di Asunto Economico pa haci tal. Ta compronde bao di un negoshi cualkier empresa den cual ta haci negoshi.

  • Unda pa pidi'e? / Mas informacion na

    Seccion Vestiging van bedrijven – helpdesk, number di oficina 15. Telefon 521-2400 ext. 250 di Departamento di Asunto Economico, Comercio y Industria.

  • Con mi tin di pidi'e? / Kico mi tin di hasi?

    Entrega un peticion por escrito cu ta contene informacion tocante e doño (negoshi individual), v.o.f., compania of otro tipo di persona huridico como tambe tocante e negoshi/permiso (meta/tipo di negoshi, adres, etc.). Por entrega e peticion na Helpdesk di Departamento di Asunto Economico, Comercio y Industria.

  • Kico mi tin di hiba cu mi?

    E peticion por escrito cu stampia (di Awg. 4,00) y e documentonan (si ta aplicabel), menciona den e liña di maneho, cu mester wordo entrega.

  • Kico ta e condicionnan?

    Ora di entrega un peticion mester tene cuenta cu e ordenansa menciona y e liñanan di maneho cu ta al caso. Den caso cu ta trata cambio di meta di un persona huridico, su statuut tambe mester permiti esaki.

  • Cuanto e ta costa?

    Mester paga stampia (leges) segun Legesbesluit DEZHI pa tratamento di bo peticion. Director di DEACI ta esun responsabel pa stipula e suma. Pa e tipo di peticion aki, e suma ta Awg. 200,00 pa cada negoshi cu ta cambia di indole.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options