Peticion pa cambia un permiso (otro cu cambio di indole y/of mudamento) di un negoshi cu ya ta estableci akinan

  • Descripcion

    Segun e Ordenansa di permiso pa lanta negoshi (Vestigingsverordening Bedrijven) no ta permiti pa cambia indole di un negoshi, sin permiso di minister di Asunto Economico pa haci tal. Ta compronde bao di un negoshi cualkier empresa den cual ta haci negoshi. Cambio di actividad empresarial y otro cambionan tin entendi aki bou.

  • Unda pa pidi'e? / Mas informacion na

    Seccion Vestiging van bedrijven – helpdesk, number di oficina 15. Telefon 521-2400 ext. 250 di Departamento di Asunto Economico, Comercio y Industria.

  • Con mi tin di pidi'e? / Kico mi tin di hasi?

    Entrega un peticion por escrito cu ta contene informacion tocante e doño (negoshi individual), v.o.f., compania of otro tipo di persona huridico como tambe tocante e negoshi/permiso (meta, adres, etc.). Por entrega e peticion na Helpdesk di Departamento di Asunto Economico, Comercio y Industria.

  • Kico mi tin di hiba cu mi?

    E peticion por escrito cu stampia (di Awg. 4,00) y e documentonan (si ta aplicabel), menciona den e liña di maneho, cu mester wordo entrega.

  • Kico ta e condicionnan?

    Ora di entrega e peticion mester tene cuenta cu e ordenansa menciona y e liñanan di maneho cu ta al caso. Den caso cu ta trata di cambio di un permiso otorga na un persona huridico, su statuut tambe mester permiti esaki. 

    Tene cuenta cu entre otro:

    • E otorgamento di un permiso segun e Ordenansa pa permiso pa lanta un negoshi (Vestigingsverordening Bedrijven) no ta encera cu esnan envolvi automaticamente lo haya derecho riba e otro permisonan rekeri;
    • Den tur caso mester tene cuenta cu un sede adecua segun e Ordenansa di desaroyo urbano  (Landsverordening ruimtelijk ontwikkeling);
    • E actividadnan cu e negoshi lo desplega, na cada sede, mester tin mas tanto relacion posibel cu otro.
  • Cuanto e ta costa?

    Mester paga stampia (leges) segun Legesbesluit DEZHI pa tratamento di bo peticion. Director di DEACI ta esun responsabel pa stipula e suma. Pa e tipo di peticion aki, e suma ta Awg. 25,00 pa cada cambio di un permiso ya otorga.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options