Peticion pa habri un of mas filial di un compania (vennootschap) segun ley Arubano of stranhero, cu ya ta opera un negoshi akinan

  • Descripcion

    Segun e Ordenansa pa permiso pa lanta negoshi  (Vestigingsverordening Bedrijven) no ta permiti pa lanta, ni haci, ni sigui, ni tuma un negoshi over, sin permiso di minister di Asunto Economico pa haci tal. Ta compronde bao di un negoshi cualkier empresa den cual ta haci negoshi. Un filial ta un negoshi riba su mes, situa na un otro sitio cu e oficina principal di e negoshi na Aruba, pa cual ya tin un permiso otorga.

  • Unda pa pidi'e? / Mas informacion na

    Seccion Vestiging van bedrijven – helpdesk, number di oficina 15. Telefon 521-2400 ext. 250 di Departamento di Asunto Economico, Comercio y Industria.

  • Con mi tin di pidi'e? / Kico mi tin di hasi?

    Entrega un peticion por escrito cu ta contene informacion tocante e compania como tambe tocante e negoshi cu ta bay lanta (meta, adres, etc.) y su filialnan. Por entrega e peticion na Helpdesk di Departamento di Asunto Economico, Comercio y Industria.

  • Kico mi tin di hiba cu mi?

    E peticion por escrito cu stampia (di Awg. 4,00) y e documentonan (si ta aplicabel), menciona den e lliñanan di maneho, cu entrega.

  • Kico ta e condicionnan?

    Ora di entrega un peticion mester tene cuenta cu e ordenansa menciona y e liñanan di maneho cu ta al caso, pues tene cuenta cu entre otro:

    • E otorgamento di un permiso segun e Ordenansa pa permiso pa lanta un negoshi (Vestigingsverordening Bedrijven) no ta encera cu esnan envolvi automaticamente lo haya derecho riba e otro permisonan rekeri;
    • Den tur caso mester tene cuenta cu un sede adecua segun e Ordenansa di teritorial (Landsverordening ruimtelijk ontwikkeling);
    • E actividadnan cu e negoshi lo desplega, na cada sede, mester tin mas tanto relacion posibel cu otro.
  • Cuanto e ta costa?

    Mester paga stampia (leges) segun Legesbesluit DEZHI pa tratamento di bo peticion. Director di DEACI ta esun responsabel pa stipula e suma. Pa e tipo di peticion aki, e suma ta Awg. 25,00 pa cada filial.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options