Peticion pa un compania (vennootschap) segun ley stranhero cu un of mas director/manager cu mester di permiso

  • Descripcion

    Segun e Ordenansa pa permiso pa lanta un negoshi (Vestigingsverordening Bedrijven) no ta permiti pa lanta, ni haci, ni sigui, ni tuma un negoshi over sin permiso di minister di Asunto Economico pa haci tal. Ta compronde bao di un negoshi cualkier empresa den cual ta haci negoshi. Segun e ordenansa y e liñanan di maneho, un persona cu nacionalidad Hulandes, naci na Aruba of cu a naturalisa bira Hulandes na Aruba y e tin 18 aña pa riba y e ta actua como director/manager di e compania (vennootschap), no mester di un permiso pa haci tal.

  • Unda pa pidi'e? / Mas informacion na

    Seccion Vestiging van bedrijven – helpdesk, number di oficina 15. Telefon 521-2400 ext. 250 di Departamento di Asunto Economico, Comercio y Industria.

  • Con mi tin di pidi'e? / Kico mi tin di hasi?

    E peticion por escrito mester contene informacion di e compania/persona huridico y director(nan), tambe di e negoshi cu lo keda establece (meta, adres, etc.). Por entrega e peticion na Helpdesk di Departamento di Asunto Economico, Comercio y Industria.

  • Kico mi tin di hiba cu mi?

    E peticion por escrito cu stampia (di Awg. 4,00) y e documentonan (si ta aplicabel), menciona den e liñanan di maneho, cu mester entrega.

  • Kico ta e condicionnan?

    Ora di entrega un peticion mester tene cuenta cu e ordenansa menciona y e liñanan di maneho cu ta al caso, pues tene cuenta cu entre otro:

    • E otorgamento di un permiso segun e Ordenansa pa permiso pa lanta un negoshi (Vestigingsverordening Bedrijven) no ta encera cu esnan envolvi automaticamente lo haya derecho riba e otro permisonan rekeri;
    • Den tur caso mester tene cuenta cu un sede adecua segun e Ordenansa di desaroyo teritorial (Landsverordening ruimtelijk ontwikkeling);
    • E actividadnan cu e negoshi lo desplega, na cada sede, mester tin mas tanto relacion posibel cu otro.
  • Cuanto e ta costa?

    Mester paga stampia (leges) segun Legesbesluit DEZHI pa tratamento di bo peticion. Director di DEACI ta esun responsabel pa stipula e suma. Pa e tipo di peticion aki, e suma ta Awg. 400,00 pa cada compania/persona huridico y pa cada director cu mester di permiso.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options