Registracion cambio di adres – pafor di Aruba

  • Descripcion

    Den caso di cambio di adres relaciona cu salida for di Aruba, mester acudi na Oficina di Censo dentro di dies y cinco dia di trabou prome cu sali for di Aruba pa registra e cambio di adres (uitschrijven).

    Tene cuenta! Si despues di sali for di Aruba bo no a schrijf bo mes uit, hefe di Censo y Registro civil por schrijf bo uit, kier meen saca bo nomber for di Censo/Registro Civil si ta resulta cu berdaderamente bo no ta biba na Aruba (articulo 28, inciso 2 Landsbesluit bevolkingsregister).

  • Unda pa pidi'e? / Mas informacion na

  • Kico mi tin di hiba cu mi?

    Pa registracion obligatorio di cambio di adres, mester presenta e siguiente documentonan:

    • Paspoort di tur hende cu ta muda pa exterior.
    • Pa haya un prueba of un declaracion mester trece un identificacion valido, esta paspoort, cedula of rijbewijs).

    Den caso di un mudansa pa Hulanda, Corsou, St. Maarten of islanan BES, ta otorga un “notificacion di mudansa”. cu ta un prueba cu a schrijf uit for di Censo/Registro Civil.

  • Cuanto e ta costa?

    Declaracion di cancelacion di inscripcion (uitschrijving) ta costa Awg. 10,-
    Prueba di cancelacion di inscripcion (uitschrijving) ta costa Awg. 5,- 

  • Cuanto tempo ta dura pa hay'e?

    Ta tuma (maximo) dos siman pa bo por haya un notificacion di mudansa pa exterior of un prueba di cancelacion di inscripcion na Aruba.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options